യേഹെസ്കേൽ 13:1
യഹോവയുടെ അരുളപ്പാടു എനിക്കുണ്ടായതെന്തെന്നാല് :(Add Ref)|(Add Notes)
യേഹെസ്കേൽ 13:2
മനുഷ്യപുത്രാ, യിസ്രായേലില് പ്രവചിച്ചുപോരുന്ന പ്രവാചകന്മാരെക്കുറിച്ചു നീ പ്രവചിച്ചു, സ്വന്തഹൃദയങ്ങളില്നിന്നു പ്രവചിക്കുന്നവരോടു പറയേണ്ടതു: യഹോവയുടെ വചനം കേള്പ്പിന് !(Add Ref)|(Add Notes)
യേഹെസ്കേൽ 13:3
യഹോവയായ കര്ത്താവു ഇപ്രകാരം അരുളിച്ചെയ്യുന്നു: സ്വന്തമനസ്സിനെയും കണ്ടിട്ടില്ലാത്ത കാര്യങ്ങളെയും പിന്തുടരുന്ന ബുദ്ധികെട്ട പ്രവാചകന്മാര്ക്കും അയ്യോ കഷ്ടം!(Add Ref)|(Add Notes)
യേഹെസ്കേൽ 13:4
യിസ്രായേലേ, നിന്റെ പ്രവാചകന്മാര് ശൂന്യപ്രദേശങ്ങളിലെ കുറക്കന്മാരെപ്പോലെ ആയിരിക്കുന്നു.(Add Ref)|(Add Notes)
യേഹെസ്കേൽ 13:5
യഹോവയുടെ നാളില് യുദ്ധത്തില് ഉറെച്ചുനില്ക്കേണ്ടതിന്നു നിങ്ങള് ഇടിവുകളില് കയറീട്ടില്ല, യിസ്രായേല്ഗൃഹത്തിന്നു വേണ്ടി മതില് കെട്ടീട്ടുമില്ല.(Add Ref)|(Add Notes)
യേഹെസ്കേൽ 13:6
അവര് വ്യാജവും കള്ളപ്രശ്നവും ദര്ശിച്ചിട്ടു യഹോവയുടെ അരുളപ്പാടു എന്നു പറയുന്നു; യഹോവ[46] അവരെ അയച്ചില്ലെങ്കിലും വചനം നിവൃത്തിയായ്വരുമെന്നു അവര് ആശിക്കുന്നു.(Add Ref)|(Add Notes)
യേഹെസ്കേൽ 13:7
ഞാന് അരുളിച്ചെയ്യാതിരിക്കെ യഹോവയുടെ അരുളപ്പാടു എന്നു നിങ്ങള് പറയുന്നതിനാല് നിങ്ങള് മിത്ഥ്യാദര്ശനം ദര്ശിക്കയും വ്യാജപ്രശ്നം പറകയും അല്ലയോ ചെയ്തിരിക്കുന്നതു?(Add Ref)|(Add Notes)
യേഹെസ്കേൽ 13:8
അതുകൊണ്ടു യഹോവയായ കര്ത്താവു ഇപ്രകാരം അരുളിച്ചെയ്യുന്നു: നിങ്ങള് വ്യാജം പ്രസ്താവിച്ചു ഭോഷ്ക്കു ദര്ശിച്ചിരിക്കകൊണ്ടു ഞാന് നിങ്ങള്ക്കു വിരോധമായിരിക്കുന്നു എന്നു യഹോവയായ കര്ത്താവിന്റെ അരുളപ്പാടു.(Add Ref)|(Add Notes)
യേഹെസ്കേൽ 13:9
വ്യാജം ദര്ശിക്കയും കള്ളപ്രശ്നം പറകയും ചെയ്യുന്ന പ്രവാചകന്മാര്ക്കും എന്റെ കൈ വിരോധമായിരിക്കും; എന്റെ ജനത്തിന്റെ മന്ത്രിസഭയില് അവര് ഇരിക്കയില്ല; യിസ്രായേല്ഗൃഹത്തിന്റെ പേര്വഴിച്ചാര്ത്തില് അവരെ എഴുതുകയില്ല; യിസ്രായേല്ദേശത്തില് അവര് കടക്കയുമില്ല; ഞാന് യഹോവയായ കര്ത്താവു എന്നു നിങ്ങള് അറിയും.(Add Ref)|(Add Notes)
യേഹെസ്കേൽ 13:10
സമാധാനം ഇല്ലാതെയിരിക്കെ സമാധാനം എന്നു പറഞ്ഞു അവര് എന്റെ ജനത്തെ ചതിച്ചിരിക്കകൊണ്ടും അതു ചുവര് പണിതാല് അവര് കുമ്മായം പൂശിക്കളയുന്നതുകൊണ്ടും(Add Ref)|(Add Notes)
യേഹെസ്കേൽ 13:11
അടന്നു വീഴുംവണ്ണം കുമ്മായം പൂശുന്നവരോടു നീ പറയേണ്ടതു: പെരുമഴ ചൊരിയും; ഞാന് ആലിപ്പഴം പൊഴിയിച്ചു കൊടുങ്കാറ്റടിപ്പിക്കും.(Add Ref)|(Add Notes)
യേഹെസ്കേൽ 13:12
ചുവര് വീണിരിക്കുന്നു; നിങ്ങള് പൂശിയ കുമ്മായം എവിടെപ്പോയി എന്നു നിങ്ങളോടു പറകയില്ലയോ?(Add Ref)|(Add Notes)
യേഹെസ്കേൽ 13:13
അതുകൊണ്ടു യഹോവയായ കര്ത്താവു ഇപ്രകാരം അരുളിച്ചെയ്യുന്നു: ഞാന് എന്റെ ക്രോധത്തില് ഒരു കൊടുങ്കാറ്റടിക്കുമാറാക്കും; എന്റെ കോപത്തില് പെരുമഴ പെയ്യിക്കും; എന്റെ ക്രോധത്തില് മുടിച്ചുകളയുന്ന വലിയ ആലിപ്പഴം പൊഴിക്കും.(Add Ref)|(Add Notes)
യേഹെസ്കേൽ 13:14
നിങ്ങള് കുമ്മായം പൂശിയ ചുവരിനെ ഞാന് ഇങ്ങനെ ഇടിച്ചു നിലത്തു തള്ളിയിട്ടു അതിന്റെ അടിസ്ഥാനം വെളിപ്പെടുത്തും; അതു വീഴും; നിങ്ങള് അതിന്റെ നടുവില് മുടിഞ്ഞു പോകും; ഞാന് യഹോവ[46] എന്നു നിങ്ങള് അറിയും.(Add Ref)|(Add Notes)
യേഹെസ്കേൽ 13:15
അങ്ങനെ ഞാന് ചുവരിന്മേലും അതിന്നു കുമ്മായം പൂശിയവരുടെ മേലും എന്റെ ക്രോധത്തെ നിവൃത്തിയാക്കീട്ടു നിങ്ങളോടു:(Add Ref)|(Add Notes)
യേഹെസ്കേൽ 13:16
ഇനി ചുവരില്ല; അതിന്നു കുമ്മായം പൂശിയവരായി, യെരൂശലേമിനെക്കുറിച്ചു പ്രവചിച്ചു, സമാധാനമില്ലാതിരിക്കെ അതിന്നു സമാധാനദര്ശനങ്ങളെ ദര്ശിക്കുന്ന യിസ്രായേലിന്റെ പ്രവാചകന്മാരും ഇല്ല എന്നു പറയും എന്നു യഹോവയായ കര്ത്താവിന്റെ അരുളപ്പാടു.(Add Ref)|(Add Notes)
യേഹെസ്കേൽ 13:17
നീയോ, മനുഷ്യപുത്രാ, സ്വന്തവിചാരം പ്രവചിക്കുന്നവരായ നിന്റെ ജനത്തിന്റെ പുത്രിമാരുടെനേരെ നിന്റെ മുഖം തിരിച്ചു അവര്ക്കും വിരോധമായി പ്രവചിച്ചു പറയേണ്ടതെന്തെന്നാല് :(Add Ref)|(Add Notes)
യേഹെസ്കേൽ 13:18
യഹോവയായ കര്ത്താവു ഇപ്രകാരം അരുളിച്ചെയ്യുന്നു: ദേഹികളെ വേട്ടയാടേണ്ടതിന്നു കയ്യേപ്പുകള്ക്കു ഒക്കെയും രക്ഷകളും ഏതു പൊക്കത്തിലും ഉള്ളവരുടെ തലെക്കുതക്ക മൂടുപടങ്ങളും ഉണ്ടാക്കുന്ന സ്ത്രീകള്ക്കു അയ്യോ കഷ്ടം! നിങ്ങള് എന്റെ ജനത്തില് ചില ദേഹികളെ വേട്ടയാടി കൊല്ലുകയും നിങ്ങളുടെ ആദായത്തിന്നായി ചില ദേഹികളെ ജീവനോടെ രക്ഷിക്കയും ചെയ്യുന്നു.(Add Ref)|(Add Notes)
യേഹെസ്കേൽ 13:19
മരിക്കരുതാത്ത ദേഹികളെ കൊല്ലേണ്ടതിന്നും ജീവിച്ചിരിക്കരുതാത്ത ദേഹികളെ ജീവനോടെ രക്ഷിക്കേണ്ടതിന്നും നിങ്ങള് , ഭോഷ്ക്കു കേള്ക്കുന്ന എന്റെ ജനത്തോടു ഭേഷ്ക്കുപറയുന്നതിനാല് എന്റെ ജനത്തിന്റെ ഇടയില് ഒരു പിടി യവത്തിന്നും ഒരു അപ്പക്കഷണത്തിന്നും വേണ്ടി എന്നെ അശുദ്ധമാക്കിയിരിക്കുന്നു.(Add Ref)|(Add Notes)
യേഹെസ്കേൽ 13:20
അതുകൊണ്ടു യഹോവയായ കര്ത്താവു ഇപ്രകാരം അരുളിച്ചെയ്യുന്നു: ദേഹികളെ പറവ ജാതികളെപ്പോലെ വേട്ടയാടുന്ന നിങ്ങളുടെ രക്ഷകള്ക്കു ഞാന് വിരോധമായിരിക്കുന്നു; ഞാന് അവയെ നിങ്ങളുടെ ഭുജങ്ങളില്നിന്നു പറിച്ചുകീറി, ദേഹികളേ, നിങ്ങള് പറവജാതികളെപ്പോലെ വേട്ടയാടുന്ന ദേഹികളെ തന്നേ വിടുവിക്കും(Add Ref)|(Add Notes)
യേഹെസ്കേൽ 13:21
നിങ്ങളുടെ മൂടുപടങ്ങളെയും ഞാന് പറിച്ചുകീറി എന്റെ ജനത്തെ നിങ്ങളുടെ കയ്യില്നിന്നു വിടുവിക്കും; അവര് ഇനി നിങ്ങളുടെ കൈക്കല് വേട്ടയായിരിക്കയില്ല; ഞാന് യഹോവ[46] എന്നു നിങ്ങള് അറിയും.(Add Ref)|(Add Notes)
യേഹെസ്കേൽ 13:22
ഞാന് ദുഃഖിപ്പിക്കാത്ത നീതിമാന്റെ ഹൃദയത്തെ നിങ്ങള് വ്യാജങ്ങളെക്കൊണ്ടു ദുഃഖിപ്പിക്കയും തന്റെ ദുര്മ്മാര്ഗ്ഗം വിട്ടുതിരിഞ്ഞു ജീവരക്ഷ പ്രാപിക്കാതവണ്ണം ദുഷ്ടനെ നിങ്ങള് ധൈര്യപ്പെടുത്തുകയും ചെയ്യുന്നതുകൊണ്ടു(Add Ref)|(Add Notes)
യേഹെസ്കേൽ 13:23
നിങ്ങള് ഇനി വ്യാജം ദര്ശിക്കയോ പ്രശ്നം പറകയോ ചെയ്കയില്ല; ഞാന് എന്റെ ജനത്തെ നിങ്ങളുടെ കയ്യില്നിന്നു വിടുവിക്കും; ഞാന് യഹോവ[46] എന്നു നിങ്ങള് അറിയും.(Add Ref)|(Add Notes)