യിരെമ്യാവ് 21:1
സിദെക്കീയാരാജാവു മല്ക്കീയാവിന്റെ മകനായ പശ്ഹൂരിനെയും മയസേയാവിന്റെ മകനായ സെഫന്യാപുരോഹിതനെയും യിരെമ്യാവിന്റെ അടുക്കല് അയച്ചു:(Add Ref)|(Add Notes)
യിരെമ്യാവ് 21:2
ബാബേല്രാജാവായ നെബൂഖദ്നേസര് ഞങ്ങളോടു യുദ്ധം ചെയ്യുന്നതുകൊണ്ടു നീ ഞങ്ങള്ക്കു വേണ്ടി യഹോവയോടു അപേക്ഷിക്കേണമേ; അവന് ഞങ്ങളെ വിട്ടുപോകേണ്ടതിന്നു യഹോവ[46] തന്റെ സകല അത്ഭുതങ്ങള്ക്കും ഒത്തവണ്ണം പക്ഷേ ഞങ്ങളോടു പ്രവര്ത്തിക്കും എന്നു പറയിച്ചപ്പോള് യിരെമ്യാവിന്നു യഹോവയിങ്കല്നിന്നുണ്ടായ അരുളപ്പാടു.(Add Ref)|(Add Notes)
യിരെമ്യാവ് 21:3
യിരെമ്യാവു അവരോടു പറഞ്ഞതെന്തെന്നാല്: നിങ്ങള് സിദെക്കീയാവോടു ഇപ്രകാരം പറയേണം:(Add Ref)|(Add Notes)
യിരെമ്യാവ് 21:4
യിസ്രായേലിന്റെ ദൈവമായ യഹോവ[46] ഇപ്രകാരം അരുളിച്ചെയ്യുന്നു: മതിലുകള്ക്കു പുറമെ നിങ്ങളെ നിരോധിച്ചിരിക്കുന്ന ബാബേല്രാജാവിനോടും കല്ദയരോടും യുദ്ധംചെയ്വാന് നിങ്ങളുടെ കയ്യില് പിടിച്ചിരിക്കുന്ന ആയുധങ്ങളെ ഞാന് മടക്കിച്ചു ഈ നഗരത്തിന്റെ നടുവില് കൂട്ടും.(Add Ref)|(Add Notes)
യിരെമ്യാവ് 21:5
ഞാന് തന്നേയും നീട്ടിയ കൈകൊണ്ടും ബലമുള്ള ഭുജംകൊണ്ടും കോപത്തോടും ക്രോധത്തോടും അത്യുഗ്രതയോടുംകൂടെ നിങ്ങളോടു യുദ്ധംചെയ്യും.(Add Ref)|(Add Notes)
യിരെമ്യാവ് 21:6
ഈ നഗരത്തില് വസിക്കുന്ന മനുഷ്യരെയും മൃഗങ്ങളെയും ഞാന് സംഹരിക്കും; അവര് മഹാമാരിയാല് മരിക്കും.(Add Ref)|(Add Notes)
യിരെമ്യാവ് 21:7
അതിന്റെ ശേഷം യെഹൂദാരാജാവായ സിദെക്കീയാവെയും അവന്റെ ഭൃത്യന്മാരെയും ജനത്തെയും ഈ നഗരത്തില് മഹാമാരി, വാള് , ക്ഷാമം എന്നിവെക്കു തെറ്റി ഒഴിഞ്ഞവരെ തന്നേ, ഞാന് ബാബേല്രാജാവായ നെബൂഖദ്നേസരിന്റെ കയ്യിലും അവരുടെ ശത്രുക്കളുടെ കയ്യിലും അവര്ക്കും പ്രാണഹാനി വരുത്തുവാന് നോക്കുന്നവരുടെ കയ്യിലും ഏല്പിക്കും; അവന് അവരോടു ക്ഷമയോ കനിവോ കരുണയോ കാണിക്കാതെ, അവരെ വാളിന്റെ വായ്ത്തലകൊണ്ടു സംഹരിക്കും എന്നു യഹോവയുടെ അരുളപ്പാടു.(Add Ref)|(Add Notes)
യിരെമ്യാവ് 21:8
നീ ഈ ജനത്തോടു പറയേണ്ടതു: യഹോവ[46] ഇപ്രകാരം അരുളിച്ചെയ്യുന്നു: ഇതാ, ഞാന് ജീവന്റെ വഴിയും മരണത്തിന്റെ വഴിയും നിങ്ങളുടെ മുമ്പില് വെക്കുന്നു.(Add Ref)|(Add Notes)
യിരെമ്യാവ് 21:9
ഈ നഗരത്തില് പാര്ക്കുന്നവന് വാള്കൊണ്ടും ക്ഷാമംകൊണ്ടും മഹാമാരികൊണ്ടും മരിക്കും; എന്നാല് നിങ്ങളെ നിരോധിച്ചിരിക്കുന്ന കല്ദയരുടെ പക്ഷം ചെന്നുചേരുന്നവനോ ജീവനോടെ ഇരിക്കും; അവന്റെ ജീവന് അവന്നു കൊള്ള കിട്ടിയതുപോലെ ഇരിക്കും.(Add Ref)|(Add Notes)
യിരെമ്യാവ് 21:10
ഞാന് എന്റെ മുഖം ഈ നഗരത്തിന്നുനോരെ നന്മെക്കല്ല തിന്മെക്കത്രേ വെച്ചിരിക്കുന്നു എന്നു യഹോവയുടെ അരുളപ്പാടു. അതിനെ ബാബേല്രാജാവിന്റെ കയ്യില് ഏല്പിക്കും; അവന് അതിനെ തീവെച്ചു ചുട്ടുകളയും.(Add Ref)|(Add Notes)
യിരെമ്യാവ് 21:11
യെഹൂദാരാജഗൃഹത്തോടു നീ പറയേണ്ടതു: യഹോവയുടെ വചനം കേള്പ്പിന് !(Add Ref)|(Add Notes)
യിരെമ്യാവ് 21:12
ദാവീദ്ഗൃഹമേ, യഹോവ[46] ഇപ്രകാരം അരുളിച്ചെയ്യുന്നു: നിങ്ങളുടെ പ്രവൃത്തികളുടെ ദോഷംനിമിത്തം എന്റെ ക്രോധം തീപോലെ പാളി ആര്ക്കും കെടുത്തുകൂടാതവണ്ണം കത്താതെയിരിക്കേണ്ടതിന്നു നിങ്ങള് ദിവസംതോറും ന്യായം പാലിക്കയും കവര്ച്ചയായി ഭവിച്ചവനെ പീഡകന്റെ കയ്യില്നിന്നു വിടുവിക്കയും ചെയ്വിന് .(Add Ref)|(Add Notes)
യിരെമ്യാവ് 21:13
താഴ്വരയിലും സമഭൂമിയിലെ പാറയിലും പാര്ക്കയും ആര് ഞങ്ങളുടെ നേരെ വരും? ആര് ഞങ്ങളുടെ പാര്പ്പിടങ്ങളില് കടക്കും? എന്നു പറകയും ചെയ്യുന്നവരേ, ഞാന് നിങ്ങള്ക്കു വിരോധമായിരിക്കുന്നു എന്നു യഹോവയുടെ അരുളപ്പാടു.(Add Ref)|(Add Notes)
യിരെമ്യാവ് 21:14
ഞാന് നിങ്ങളുടെ പ്രവൃത്തികളുടെ ഫലത്തിന്നു തക്കവണ്ണം നിങ്ങളെ സന്ദര്ശിക്കും; ഞാന് അവളുടെ കാട്ടിന്നു തീ വേക്കും; അതു അവളുടെ ചുറ്റുമുള്ള സകലത്തെയും ദഹിപ്പിച്ചുകളയും എന്നു യഹോവയുടെ അരുളപ്പാടു.(Add Ref)|(Add Notes)