സങ്കീർത്തനങ്ങൾ 63:1
[ ദാവീദിന്റെ ഒരു സങ്കീര്ത്തനം അവന് യെഹൂദാമരുഭൂമിയില് ഇരിക്കും കാലത്തു ചമെച്ചതു.] ദൈവമേ, നീ എന്റെ ദൈവം; അതികാലത്തേ ഞാന് നിന്നെ അന്വേഷിക്കും; വെള്ളമില്ലാതെ ഉണങ്ങി വരണ്ട ദേശത്തു എന്റെ ഉള്ളം നിനക്കായി ദാഹിക്കുന്നു; എന്റെ ദേഹം നിനക്കായി കാംക്ഷിക്കുന്നു.(Add Ref)|(Add Notes)
സങ്കീർത്തനങ്ങൾ 63:2
അങ്ങനെ നിന്റെ ബലവും മഹത്വവും കാണേണ്ടതിന്നു ഞാന് വിശുദ്ധമന്ദിരത്തില് നിന്നെ നോക്കിയിരിക്കുന്നു.(Add Ref)|(Add Notes)
സങ്കീർത്തനങ്ങൾ 63:3
നിന്റെ ദയ ജീവനെക്കാള് നല്ലതാകുന്നു; എന്റെ അധരങ്ങള് നിന്നെ സ്തുതിക്കും.(Add Ref)|(Add Notes)
സങ്കീർത്തനങ്ങൾ 63:4
എന്റെ ജീവകാലം ഒക്കെയും ഞാന് അങ്ങനെ നിന്നെ വാഴ്ത്തും; നിന്റെ നാമത്തില് ഞാന് എന്റെ കൈകളെ മലര്ത്തും.(Add Ref)|(Add Notes)
സങ്കീർത്തനങ്ങൾ 63:5
എന്റെ കിടക്കയില് നിന്നെ ഓര്ക്കയും ഞാന് രാത്രിയാമങ്ങളില് നിന്നെ ധ്യാനിക്കയും ചെയ്യുമ്പോള്(Add Ref)|(Add Notes)
സങ്കീർത്തനങ്ങൾ 63:6
എന്റെ പ്രാണന്നു മജ്ജയും മേദസ്സുംകൊണ്ടു എന്നപോലെ തൃപ്തിവരുന്നു; എന്റെ വായ് സന്തോഷമുള്ള അധരങ്ങളാല് നിന്നെ സ്തുതിക്കുന്നു.(Add Ref)|(Add Notes)
സങ്കീർത്തനങ്ങൾ 63:7
നീ എനിക്കു സഹായമായിത്തീര്ന്നുവല്ലോ; നിന്റെ ചിറകിന് നിഴലില് ഞാന് ഘോഷിച്ചാനന്ദിക്കുന്നു.(Add Ref)|(Add Notes)
സങ്കീർത്തനങ്ങൾ 63:8
എന്റെ ഉള്ളം നിന്നോടു പറ്റിയിരിക്കുന്നു; നിന്റെ വലങ്കൈ എന്നെ താങ്ങുന്നു.(Add Ref)|(Add Notes)
സങ്കീർത്തനങ്ങൾ 63:9
എന്നാല് അവര് സ്വന്തനാശത്തിന്നായി എനിക്കു പ്രാണഹാനി വരുത്തുവാന് നോക്കുന്നു; അവര് ഭൂമിയുടെ അധോഭാഗങ്ങളിലേക്കു ഇറങ്ങിപ്പോകും.(Add Ref)|(Add Notes)
സങ്കീർത്തനങ്ങൾ 63:10
അവരെ വാളിന്റെ ശക്തിക്കു ഏല്പിക്കും; കുറുനരികള്ക്കു അവര് ഇരയായ്തീരും.(Add Ref)|(Add Notes)
സങ്കീർത്തനങ്ങൾ 63:11
എന്നാല് രാജാവു ദൈവത്തില് സന്തോഷിക്കും അവന്റെ നാമത്തില് സത്യം ചെയ്യുന്നവനെല്ലാം പുകഴും; എങ്കിലും ഭോഷകു പറയുന്നവരുടെ വായ് അടഞ്ഞുപോകും. (സംഗീതപ്രമാണിക്കു; ദാവീദിന്റെ ഒരു സങ്കീര്ത്തനം.)(Add Ref)|(Add Notes)